header.jpg
Image

INLIGTING TYDENS LOCK DOWN

SMS sal elke Maandag aan ouers gestuur word met die werk, per vak, vir die week.

Brief van skoolhoof 19 Augustus

Geagte Ouers

COVID-19- INLIGTINGSBRIEF

  • Die graad 8 en 9-leerders keer uiteindelik op Maandag, 24 Augustus 2020, terug na die skool. 
  • Ons begin met dag 1 op die nuwe 5-dag rooster.
  • Arriveer asseblief tussen 7:30 en 7:40. (Sien aangehegte kaart waar grade aantree.)
  • Ons begin soggens klasgee om 7:45 en verdaag middae om 14:15.
  • Ons sal Maandag die 1ste periode ‘n Covid 19-oriëntasie-sessie met die leerders in hul registerklasse hê, om al die reëlings te bespreek. Wat hul nou alreeds moet weet, is:                                                                       
  • As jy siek is, moenie skool toe kom nie. As jy by die huis reeds “Ja” sou antwoord op een van die volgende vrae (Hoes jy?;  Het jy koors? [temperatuur bo 38];  Het jy ‘n seer keel?;  Is jy kortasem?;  Was jy die laaste 14 dae in direkte kontak met iemand wat die Corona-virus het?) moet jy nie skool toe kom nie.   Laat weet ons net en reël met ‘n vriend om die skool- en huiswerk vir jou (elektronies) te stuur.  Indien dit nie moontlik is nie, versoek die sekretaresse om die personeel te vra om jou werk by die sekretaresse te laat.                                                                                                                    NB: Jy moet egter steeds vir enige assessering wat jy mis, ‘n mediese sertifikaat of kliniekbrief toon!
  • Ouers moet hulle kinders by die volgende hekke aflaai:
    • Graad 9U: Kloofstraat se ingang. (Langs skoolhoof se huis)
    • Graad 9H,9D, 8H: Tuinstraat se ingang.  (Hoofhek)
    • Graad 8D, 8U: Heuwelstraat se ingang. (Groot hek)
  • As jy soggens hier aankom, sal ons die siftingsproses (“screening”) by die aangewese ingange doen.

Julle tree soos volg buite die poorte aan:   

  • Graad 9U: Hek tussen mnr Bester en mev Du Plessis se klas.
  • Graad 8H: Poort tussen die kopieerkamer en Mev Coetzee se klas. (Deur gemerk C)
  • Graad 9H: Poort tussen die RTT-klas en sportkantoor. (Deur gemerk B)
  • Graad 8D: Voor mej Eygelaar se klas.
  • Graad 8U: Hoofingang by sekretaresse se kantoor.
  • Graad 9D: Poort tussen LO-apparaatkamer en senior meisiekleedkamer. (Gemerk A)

 (Handhaaf asb. die 1,5m-afstande as jy aantree.  Indien dit reën, gaan jy direk na die eerste periode en gaan sit in jou bank!   As jou koors bo 38◦C is, sal jy na ‘n paar minute weer getoets word en as dit steeds bo 38◦C is, sal jou ouers ook versoek word om jou by die DUMA-huis te kom haal.   Saam met die neem van koors, sal jy ook die voorgeskrewe vrae gevra word, waarop jy eerlik moet antwoord.  As jy op een van die vrae “ja” antwoord, sal jou ouers ook versoek word om jou by die DUMA-huis te kom haal.  Die skoolhoof sal dan met jou ouers skakel.  Na die siftingsproses (“screening”) gaan jy direk na jou bank in die lokaal waar jy die 1ste periode is.  Daar bestaan dus ongelukkig nie soggens voor skool iets soos “kuier” op die terrein nie.

  • Ons maak – tot verder kennisgewing - die gewone klere (“civvies”) -vergunning vir jou eie veiligheid.  Sorg dat jy daagliks met skoon klere skool toe kom.  Jy sou selfs skoolklere kon dra, maar sorg dat dit elke dag skoon is.  Jy kan bv. nie twee dae na mekaar dieselfde trui/top/baadjie dra nie.  Ons skool se gewone klere (“civvies”) reëls geld dus – maar net ten opsigte van kleredrag.  Leerders mag nie op die terrein met komberse loop nie.  Alle vorme van hoofbedekking moet afgehaal word wanneer jy die skoolgebou betree.
  • Op LO-praktiese dae soos op die rooster aangedui, moet leerders met sportdrag na die skool kom.
  • Die voorkomsreëls bly egter soos normale skoolreëls – in terme van skeer, naels, grimering, juwele, haarbykomstighede, ens.
  • Die dra van maskers  (slegs dit wat die WKOD en skool gee), is verpligtend – vandat jy die terrein betree totdat jy dit verlaat.
  • Alhoewel klaslokale soggens en middae gereinig sal word, versoek ons jou om ‘n natlap – wat tuis in Jik-oplossing geplaas en liggies uitgedroog is – in ‘n plastieksakkie in jou tas saam te bring; asook ‘n spuitbotteltjie met ontsmettingsmiddel.  Elke leerder het die verantwoordelikheid  om elke keer aan die einde van die periode, wanneer jy die lokaal verlaat, jou bank/tafelblad daarmee af te vee.  Ons sal ook 5 keer ‘n dag die kleedkamers reinig - vóór skool, vóór elke pouse, en ná skool.  Was/ontsmet asseblief gereeld jou hande met die seep/ontsmettingsmiddel wat in die badkamers is.  Jy kan jou Jik-lappie – of die ontsmettingsmiddel en papier gebruik om die toiletsitplek skoon te maak indien jy steeds onseker voel. 
  • Ons gee vir jou die aangepaste roosters. Ons het  ook aangepaste kloktye en lokale;  en toetsdae.  Daar sal ook nie aantrede by die rye, of registerperiodes wees nie.  Daar sal 3 pouses wees!  Sorg dat jy jou eie eetgoed bring, want ons mag nie ‘n snoepwinkel bedryf nie.   Meld asb. soggens betyds vir die siftingsproses (“screening”)                                                                                                                                                     

Ons sien daarna uit om die graad 8 en 9-leerders terug te ontvang.

HH Gunter

SKOOLHOOF

Tiere Nuusbrokkies

Kliek hier om na die SACoronavirus webblad te gaan

Uit die Tiere se mond

Kultuur Nuus

Image
Twee van ons Tiere, Bianca Viviers (gr.11) en Déan van Dyk (gr.12) is verkies tot Speeltoneel! se drama projek. 
Dit is 'n geleentheid-gedrewe drama projek wat leerders die geleentheid bied om op nasionale televisie in 'n dramastuk te verskyn. Déan en Bianca het maande gelede reeds met die program begin en word tot volgende jaar aanlyn en deur middel van video-oproepe afgerig en touwys gemaak.
Speeltoneel! word deur ABS Produksies aangebied met die akteurs Desiré Gardner, Germandt Geldenhuys, Je-Ani Swiegelaar en Reynardt Hugo as fasiliteerders.
Image
Eunice Cronje (gr.12) het deelgeneem het aan die 2020 English Olympia.
Image
Die jaarlikse Voete vir Jesus dag het weer 'n insameling vir skryfbehoeftes gehou. Daar is ook 'n bedrag van R1 005.00 bymekaar gemaak. Hierdie insameling is vir Huis van Heerde gedoen
Image
Die Tiere vir Christus organisasie het in Dwarskersbos gaan kamp.
Die fasiliteerder van die kamp was Bernadette Otto. 
Ons het net weereens daar gehoor en ervaar dat God se Genade en Barmhartigheid groot en werklik is.

Sport Nuus

Image
Schalk Senekal, Anka Crous, Adelene Vorster, Deacon Irion en Corné Basson in deel van die Wes-Boland Atletiek span wat deelnaam aan die Boland Atletiek byeenkoms.
Image
Amaï Bester, Jacqlyn Jones, Francois Malan en Lakeisha Heyns is deel van die We-Boland atletiek span wat deelneem aan die Boland byeenkoms. 
Francois Malan en Lakeisha Heyns is ook deel van die Boland span wat deelneem aan die Wes-Kaap byeenkoms.
Francois Malan word 5de geplaas in SA vir sy prestasie behaal by die Wes-Kaap byeenkoms.
Image
JH Kleynhans en Zánder Truter is deel van die Wes-Boland Krieketspan.
Image
Keewan Titus is ingesluit in die Boland Elite krieketgroep wat gaan deelneem aan verdere proewe. Derick Bester is ingesluit in die Wes-Boland Krieketspan.
Sertifikate is uitgedeel soos volg:
Christiaan Eksteen neem 5 paaltjies vs HS Vredenburg, Christiaan Bosman neem 6 paaltjies vs HS Vredenburg, Keewan Titus behaal 180 lopies vs Paarl Boys High.
Image
Die volgende leerders het 'n 0/15 trofee ontvang:

Jan-Louis Coetzee - beste bouler 
Zánder Truter - beste kolwer
Sagren Papier - beste veldwerker
Image
Mari Kemp ontvang die trofee vir die beste dogters swemmer - 2020. Sy is opgeneem in die Weskus Distrik swem Squad vir 2020/2021.
Image
Image
Die volgende leerders is ingesluit by die Wes-Boland tennisspan en het deelgeneem aan die Boland Platteland toernooi:Walter Bester, Juan Kitshoff, Enro Rust, Lize Bester en Karli Brink, Marné Bester, Nienke Smit.
Image
Alica Bester en Hermann Hartung is deel van die Boland Platteland tennisspan wat deelgeneem het aan die Interprovinsiale toernooi.
Image
Francois Malan eindig 1ste in hammergooi tydens die Wes-Kaap byeenkoms.
Image
Jeanell le Roux het deelgeneem in die O/16 afdeling aan Kyokushinkan.
Sy het 'n derde plek behaal.
Image
Senior Victor Ludorum: Déan van Dyk
Senior Victrix Ludorum: Annoushka Truter
Junior Victor Ludorum: Dirk du Toit
Junior Victrix Ludorum: Mari Kemp
Image

V.l.n.r. agter: Corné Basson, Francois Malan (8ste in diskus en 1ste in hamergooi), Schalk Senekal (8ste in diskus sowel as gewigstoot).

V.l.n.r. derde ry: Anka Crous (8ste in diskus), Deacon Irion, Mikiala Kaboni (5de in 400m).

V.l.n.r. tweede ry: Adelene Vorster (7de in 400m en 8ste in 800m), Rezin Cleophas (3de in 110m hekkies).

V.l.n.r. voor: Lakeisha Heyns (3de in spiesgooi), Jacklyn Jones, Amaï Bester (8ste in 100m).

Image
Rezin Cleophas (links), Francois Malan (middel) en Lakeisha Heyns (regs) is tot die Boland Atletiek span verkies.
Image

Hierdie tennisspelers is vir die Boland Platteland Tennisspan gekies en het teen WP in Worcester gespeel. Voor v.l.n.r. Nienke Smit, Marné Bester, Annoushka Truter, MJ van Zyl. Agter: Hermann Hartung, Danielle Kitshoff, Alica Bester.

Skoollied

Op Moorreesburg, mooi Moorreesburg,
Waar die grane golwend waai,
Lag die veldblom op die lande,
Groei die saad van boer gesaai.
Kom voorwaarts, trou, slagvaardig,
Ons skool moet altyd groei,
Met hand en voet, met hoof en hart,
Tot ongekende bloei.
Laat Moorreesburg op ons trots wees,
Al is ons ook lank reeds weg.
Bly net trou aan ideale
Staan vir opgang en vir reg.

Ons Missie

- Om ‘n christelike, positiewe, veilige en gelukkige leeromgewing te skep;
- waar alle leerders sukses, waardes, vriendskap en trots sal ontwikkel;
- waar leerders die diverse talente en kulturele agtergrond van elke leerder sal respekteer;
- hul volle potensiaal sal bereik;
- en sal strewe om as verantwoordelike jong burgers ‘n positiewe bydrae tot die groei en ontwikkeling van Suid-Afrika te lewer.

Akademie

Image

HOËRSKOOL DIRKIE UYS ONTVANG 'N TOEKENNING VIR ALGEHELE VERBETERING IN AKADEMIESE PRESTASIE: GRAAD 9
Dit is vir skole met 'n leerdertal van minder as 600

Spesiale Nuus

Image

Mnr en Mej Valentine is:
Hannes Mostert en Danielle Kitshoff

KRINGLEIERS 2020

Image

Dankie aan al ons borge wat deur die jaar by ons staan op vele vlakke. Ons is trots op ons Tiere vriende!!

Hoërskool Dirkie Uys
Posbus 212
Moorreesburg
7310

Tel. (022) 433 2253
Faks (022) 433 3901
E-pos: ontvangs@dirkieuys.co.za