KWARTAAL 2

2010

Dit was ’n uiters kort, besige uitdagende kwartaal op die skoolkalender, 2010. DUMA leerders het die afgelope kwartaal mooi gevorder in hul onderskeie instrumente. Inskrywings vir volgende kwartaal se Wes-Boland Eisteddfod, Paarl Vallei Eisteddfod, Unisa- , Trinity en Royal Schools eksamens is gedoen. Leerders word aangeraai om tydens hierdie besonder lang vakansie te oefen, aangesien die bogenoemde eksamens en eisteddfods reeds vroeg in Augustus begin.

Die Stryk- en Fluitensemble het hierdie kwartaal twee optredes om mee te spog. Hul verskaf Vrydag 10 Junie vooraf agtergrondmusiek by die Lions Klub Moorreesburg waartydens die nuwe president ingehuldig word. Hul het ook tydens die jaarlikse opedag vir Graad 7-leerders van omliggende dorpe opgetree. Die leerders het hul baie goed van hul taak gekwyt! Duma het ook twee suksesvolle fondsinsamelingsprojekte nl. die Seekosete en die Moedersdagete o.l.v. Mev. Wilinda Hanekom en die ouerkomitee aangebied.

Ons rig ’n baie dringende versoek aan alle Duma ouers en leerders om asb. op datum te bly met die betaal van hul lesfooie. Bestudeer asb. u rekening noukeurig en rig asb. enige navrae aan Duma. Om die akademie suksesvol te kan laat funksioneer, vra ons dat u asb. volgende kwartaal se fooie, asook enige agterstallige fooie teen 1 Augustus sal vereffen, anders sal daar egter dringende besluite geneem moet word rakende u kind se betrokkenheid en vordering by die akademie. Indien u finansiële probleme ondervind, tref asb. so spoedig moontlik reëlings met Duma. Indien leerders gedurende enige kwartaal met lesse staak, sal ouers steeds aanspreeklik gehou word vir die totale bedrag lesgelde van daardie kwartaal.

Baie dankie aan elke leerder vir sy/haar bydrae om Duma so suksesvol te laat funksioneer. Baie dankie ook aan al die ouers, vriende en kollegas wat ons op verskeie gebiede so getrou ondersteun. Dit word opreg waardeer.

EGBERTUS HANEKOM
Bestuurder: DUMA

Agtergrond

Die Dirkie Uys Musiekakademie (DUMA) is die inisiatief van Hoërskool Dirkie Uys, Moorreesburg. As gevolg van die toenemende gebrek aan musiek in skole is daar ‘n behoefte aan ‘n musiekskool identifiseer wat die hele Moorreesburg en omliggende dorpe kan bedien. Aansoek om befondsing was suksesvol en die Akademie kon sy eerste leerders in 2007 verwelkom.
Die akademie is ingerig in ‘n pragtige gerestoureerde huis op Hoërskool Dirkie Uys se skoolgronde. Die gebou skep die ideale atmosfeer vir musiek, kuns en kultuur!
Die Akademie het ten doel om uiteindelik onafhanklik te funksioneer as musiek-skool wat die hele Swartland bedien.

Individuele Lesse

Leerders ontvang individuele halfuur lesse, een maal per week. Lesse word hoofsaaklik tussen 12 nm en 6 nm aangebied. Leerders wat wil inskryf vir eksamens word aangemoedig om addisionele musiekteorieklasse by te woon. Hierdie klasse word in groepsverband aangebied.

Groep Lesse

Leerders ontvang een halfuur groeples per week. Groepe bestaan uit maksimum vier en minimum twee

leerders. Indien daar nie genoeg leerders is om ‘n groep te vorm vir ‘n spesifieke instrument en vorderingsvlak nie, verval die groepopsie ongelukkig. Wanneer ‘n groep ontbind as gevolg van leerders wat ophou sal leerders geskuif word na ‘n ander groep. Indien daar nie ‘n groep beskikbaar is vir die betrokke instrument of vorderingsvlak ie sal dit beteken dat die leerder individuele fooie moet betaal.

MUSIEK AS VAK

Musiek as vak (van graad 8 - 12) soos goedgekeur deur die WKOD word ook deur die Akademie bestuur en aangebied. Hoërskool leerders kan dus in die vervolg Musiek as vak as een van hul hoofvakke neem.

Fooie

Fooie is aangepas vir die nuwe jaar, maar is steeds baie laer as ander professionele instansies van dieselfde aard.

Huur van Instrumente

Leerders kan ook viole, kitare en dwarsfluite huur by die Akademie teen R120/kwartaal indien hul nie onmiddellik ‘n instrument wil aankoop nie.

OPTREDES

Die Musiekakademie bied leerders die ge-leentheid om deel te neem aan Eisteddfods en eksamens soos UNISA, Royal Schools en Trinity. Daar word ook elke jaar konsert gehou waartydens leerders voor ‘n gehoor kan optree
en ouers bietjie kan spog met wat hul kinders gedurende die jaar bereik het.

ENSEMBLE EN ORKES

Wanneer leerders hul instrumente op ‘n basiese vlak bemeester het, word hul genader om in ensembles of orkessies te speel waarin hul die vreugde van samespel kan ervaar.