header.jpg

Huis Botha

Huis Botha Meisiekoshuis

  

 2021 Prefekte

 

Boodskap van die hoofdogters:

Mienke Burger

Toe ek die Maandagaand in Julie 2019 met rooi gehuilde oë en 'n reuse knop in my keel vir die eerste keer by die trappe van Huis Botha opgestap het, het ek nooit gedink dit sou 'n jaar en 'n half later vir my soos 'n 2de huis voel nie.
Ek het daardie dag in Julie 2019 daar ingestap en niemand geken nie, maar my kamermaats en die koshuispersoneel het my so hartlik ontvang en laat tuis voel dat ek gou van my hartseer vergeet het.
Daarom is dit my visie om my jaar as hoofdogter te gebruik om seker te maak dat al Huis Botha se inwoners dieselfde ervaring geniet sodat Huis Botha vir al die Dirkie Uys-dogters 'n "huis-weg-van-die-huis" is... 'n Huis vol vrede en vreugde. Waar daar saam gewerk en saam gelag word.