Leerarea

Leerarea uitkoms

Keuse groep

Mnr. Faf Joubert

LEERAREA HOOF

AFRIKAANS PRIMÊRE TAAL

Om saam met UGO te help om taalonderrig duidelik te fokus op die bereiking van die uitkomste en sodoende alle leerders in staat te stel om volgens hulle vermoë te presteer.

VERPLIGTEND

Me Yolande de Wet

LEERAREA HOOF

ENGELS EERSTE ADDISONELE TAAL

I want to open up the minds of pupils, I want them to be able to express themselves logically in speech as well as writing. I want them to learn the importance of words and their meanings, to acquire respect for language. I want them to become readers because through reading one acquires knowledge and understanding of others. I also want them to become tolerant of those who are different. I want them to acquire general insight. These are my teaching goals.

VERPLIGTEND

Me Tianni Brand

LEERAREA HOOF

WISKUNDE EN WISKUNDIGE GELETTERDHEID

Wiskunde ontwikkel leerders se logiese en kritiese denkprosesse. Dit stel leerders in staat om bestaande kennis te gebruik om veralgemenings te maak en probleme in die alledaagse lewe op te los.

Wiskundige Geletterdheid berei die leerder voor om ‘n selfbesturende persoon, bydraende werker en deelnemend landsburger te wees. Dit ontwikkel die effektiewe gebruik van numeriese vaardighede wat in die praktyk (alledaagse situasies) benodig word.

VERPLIGTEND

Me Ronel Henning

LEERAREA HOOF

PRAKTIESE VAKKE (RTT, VERBRUIKERSTUDIE, TEGNOLOGIE SIVIEL)

  In RTT doen leerders praktiese kennis op oor die gebruik van sagteware. Hulle verkry ook teoretiese kennis oor rekenaars en die omgewings waarin dit gebruik word. Die korrekte sleutelbord vaardigheid is ook ‘n komponent van die vak.  

Verbruikerstudie is ‘n opwindende en diverse veld wat baie verskillende aspekte van die daaglikse lewe dek. Jy word blootgestel aan entrepeneurs geleenthede wat jou in staat stel om jou eie besigheid te begin. Die doel is om ingeligte, verstandige verbruikers te ontwikkel, wat 'n besigheidsvisie het vir die toekoms. Die vak bestaan uit vier hoof areas: Voeding, Kleding, Verbruikerstudie en Behuising. Dit sluit 'n groot deel prakties in waar leerders vaardighede aanleer vir die bereiding van voedsel.

In Tegnologie Siviel doen leerders kennis op oor alle aspekte van die boubedryf deur middel van  teorie, prakties en ondersoekende take.

Mnr Johan Jacobs
LEERAREA HOOF

LEWENSWETENSKAP, FISIESE WETENSKAP

Lewenswetenskap bestudeer die studie van die lewe met die natuurlike sowel as die mensgemaakte komponente. Leerders ontwikkel begrip vir die basiese lewensprosesse en die interafhanklikheid van die omgewingsfaktore daarop. Wetenskaplike probleemoplossing sowel as kritiese denke word bevorder. Die vak help om verantwoordelike burgerskap te ontwikkel en bevorder.

Fisiese wetenskap ondersoek fisiese en chemiese verskynsels. Dit word gedoen deur wetenskaplike navraag, toepassing van wetenskaplike modelle, teorieë en wette ten einde gebeure in die fisiese omgewing te verduidelik en te voorspel. Ses hoof kennisareas inspireer die vak. Materie en materiale; stelsels; chemiese verandering; meganika; golwe, klank en lig en Elektrisiteit en magnetisme.

Mnr. Louwtjie Smit

LEERAREA HOOF

LEWENSORIëNTERING EN KUNS EN KULTUUR

Lewensoriëntering (LO) sluit as ‘t ware Jeugweerbaarheid, Godsdiensonderrig, Liggaamlike Opvoeding, Gesondheidsleer, Burgerskap en Voorligting In.Derhalwe is Persoonlike welstand, Sosiale ontwikkeling, Burgerskap-opvoeding, Rekreasie en fisieke aktiwiteit, en Beroepskeuses die leeruitkomste van ons leerarea.Onderwerpe wat met die leerders behandel word sluit o.a. in: Selfbeeld, waardes, kommunikasie, besluitneming, keuses, konflikhantering, groepsdruk, gemeenskapsbetrokkenheid, dwelmmisbruik, vigs, gesondheid, fiksheid en oefening, eetgewoontes, sport en spele, studiemetodes en beroepskeuses.

Kuns en kultuur (KK) kom tot uiting in die komponente van Kuns, Drama, Musiek en Dans. Dit toon hoe mense dinge doen, gebaseer op hul geloofsisteme, waardes, taal, gewoontes en tradisies.  Dit verryk en bemagtig ons leerders om nasies - met hul ryk kulturele diversiteit, asook die mooi van die lewe, te verstaan en te waardeer.

VERPLIGTEND

Me Mariette van Wyk

LEERAREA HOOF

SOSIALE WETENSKAP

Geografie bestudeer die uitwerkings van patrone en prosesse van hoe mense lewe Dus die uitwerking van fisies en menslike prosesse op die omgewing. Dit verwys ook na maniere waarop mense die omgewing op verskillende skale verander. Geografie is ‘n wetenskap en ingestel is op vaardighede en om die tegnieke, kennis en begrip en om dit toe te pas. Om oplossings vir kwessies en uitdaging sin ons omgewing op plaaslike, nasionale, kontinentale en wêreldwye skaal te vind.

Leerders bestudeer Geskiedenis deur vrae te stel oor die verlede, inligting uit bronne te onttrek, evalueer en interpreteer en daardeur die wêreld van vandag beter te verstaan.

Me Madelene Coetzee

LEERAREA HOOF

REKENINGKUNDE, BEDRYFSTUDIES

Rekeningkunde is die bestudering van 'n mensgemaakte stelsel wat die basis vorm van enige finansiële besluite. Die vak bestaan uit finansiële rekeningunde (dws die verwerking van die finansiële data van gister), bestuursrekeningkunde (wat met die finansiële beplanning van môre werk), etiek (dws die ondersoek van die waarde sisteme in die besighede) en interne kontroles (dws die beheer oor jou bates en jou laste). Rekeningkunde is dus 'n vak wat jy sal gebruik ongeag jou beroepskeuse.

In Bedryfstudies word daar gekyk na belangrike sakebeginsels en hoe om dit toe te pas. Leerders word toegerus met die kennis om sakegeleenthede te identifiseer en dit te omskep in 'n uitvoerbare sakegeleentheid. Daar word ook gekyk na verskeie uitdagings in die sakewêreld en hoe om besigheidsprobleme op kreatiewe maniere op te los. Leerders word dus opgelei om toekomstige entrepreneurs te word.