Hoërskool Dirkie Uys
Skool Sonder Grense
Verantwoordelikheid | Hardwerkendheid| Selfdissipline | Omgee | Respek | Integriteit
Akademie
Ons leerders presteer elke jaar en ons spog met ‘n reeks gemiddelde A’s gedurende die Nasionale matriekeksamens.
Sport
Ons is bevoorreg om ‘n reeks sportsoorte aan te bied. Individuele- en spansport word deur toegewyde afrigters aangebied.
Kultuur
‘n Wye reeks kultuuraktiwiteite is beskikbaar vir leerders met uiteenlopende belangstellings.
Prestasies
Dirkie Uys is trots op sy leerders en personeel, ons gee graag erkenning aan presteerders.
Verblyf
Beide seuns- en meisieskoshuise is onlangs opgeknap om ‘n huislike gevoel te skep vir ons leerders.
Alumni
Ons Dirkie Uysers is die wye wêreld ingestuur met die nodige lewenskennis. Raak deel van die Tiere.
Welkom by die Skool Sonder Grense
Laai Hoërskool Dirkie Uys se prospektus af (PDF dokument, 23mb).
Hoërskool Dirkie Uys is geleë in Moorreesburg in die hartjie van die Swartland, ongeveer 90km noord van Kaapstad langs die N7. Die skool se gebalanseerde aanslag tot akademie, sport en kultuur vorm die fondasie van hoe leerders voorberei word vir die lewe na skool.
Die personeel van Dirkie Uys dra die belange van ieder en elke leerder op hulle harte om seker te maak dat leerders die aanslae van die volwasse lewe met durf en selfvertroue kan aanpak.
As jy ‘n ouer of ‘n leerder is wat op soek is na kwaliteit en persoonlike onderrig, dan is Hoërskool Dirkie Uys die skool vir jou. Kontak ons vandag en raak deel van die Skool Sonder Grense.
Dirkie Uys is ‘n waardegedrewe skool. Ons ses waardes, nl. verantwoordelikheid, hardwerkendheid, selfdissipline, omgee, respek en integriteit, is bymekaar gemaak om vir ons ‘n wenresep te gee.
Agter die skerms..
Projekte
Die bestuur van Hoërskool Dirkie Uys is voortdurend besig met innoverende projekte om top klas onderrig en geleenthede vir ons leerders te verseker. Ons nooi u uit om deel te raak van die opwindende projekte wat Dirkie Uys verseker sal laat uitstaan.
Interskole
Ons jaarlikse Interskole teen Hoërskool Jan van Riebeeck is ‘n groot hoogtepunt op ons kalender. Interskole vind jaarliks gedurende Augustus plaas.
Welpies-Graad 8’s
Om te behoort is een van die mees basiese behoeftes wat elke mens het. Om deel van iets te wees,om aanvaar te word in ‘n groep en daarom het ons ‘n groot fokus op ons Welpies (Graad 8’s).
Dirkie Uys Tiere
Die dorp Moorreesburg is bekend vir sy assosiasie met Tiere na aanleiding van die Tiger Oats handelsmerk. Die Tiger Oats-gebou in Moorreesburg is tot stand gebring in 1902 deur die Cereal Manufacturing Company van Mr Marshall.
Dirkie Uys in ‘n neutedop
Wat is die waardes van Dirkie Uys?
Waar is Hoërskool Dirkie Uys ?
Het Dirkie Uys koshuis-fasiliteite ?
Ja, daar is twee aparte koshuise. Die seuns- en meisiekoshuise is baie goed ingerig en is onlangs nuut oorgedoen. Permanente inwonende personeel verseker ‘n veilige, huislike atmosfeer.
Bied die skool ‘n vervoerdiens ?
Ja, leerders word op Vrydae vanaf die skool vervoer en word weer Sondae gehaal by verskillende bestemmings. Kontak die skool indien u meer wil uitvind van die roetes of lees gerus hier.
Hoe goed presteer die leerders ?
Dirkie Uys se leerders presteer baie goed en die skool word gereken as een van die top akademiese skole in die Wes-Kaap. Ons het die afgelope klompie jare ‘n baie goeie slaagsyfer in gr.12 gehad, met gemiddeld 6 A-gemiddeldes uit ‘n klas van ongeveer 60 leerders, asook baie hoë vakgemiddeldes. 2021 se no.3 in die Wes-Kaap was ook in Hoërskool Dirkie Uys.
Watter sport bied die skool aan ?
Rugby, Hokkie, Netbal, Swem, Tennis, Atletiek, Krieket, Gholf, Tweekamp en Skaak word aangebied.
